"ҚОШ КЕЛДІҢ,ӘЗ-НАУРЫЗ"
Наурыз мейрамы құтты болсын! Баршаңызды Ұлыстың Ұлы күні – Наурыз мерекесімен шын жүректен құттықтаймыз! Наурыз – іргесі сөгілмес бірліктің берекесі, ырысы төгілмес тірліктің мерекесі. Жақсылықтың жаршысы, жаңа жылдың бастауы – Наурыз мейрамы туған жер топырағына құт - береке әкелсін! Еліміз тыныш, туған жеріміз аман болып, әрбір жаңа күн әр отбасына шат көңіл, бақыт және береке сыйласын!
Ұлыс оң болсын, ақ мол болсын! Ұлыстың ұлы күні Наурыз мейрамы мектеп-гимназиямызда да атап өтілді. Мерекелік іс-шара ұйымдастырылып, әр сыныпта сынып сағаты өтті. Оқушылар ұлттық киімдерін киіп, ағаш отырғызып, Наурыздың ұлттық тағамы Наурыз көжеден дәм татып, ұлттық ойындарымызды ойнап, ән мен биден шашу шашты. Салт-дәстүрлерімізді ұлықтап, қадірлейтіндерін көрсетті. 
