Сенбілік тазалық жұмыстары өтті. Қоршаған ортаның тазалығына жауапкершілікпен қарау – әрбір азаматтың басты міндеті. Осы міндетті орындау мақсатында мектебімізде жалпы мектепішілік сенбілік өтті. Сенбілікке 9-11 сыныптар мен ұстаздар белсене қатысты. Сыныптар өздеріне бөлініп берілген мектеп ауласын тазалады. Мектеп айналасындағы аумақ тұрмыстық қалдықтардан, тазартылып, үлкен жұмыс атқарылды. 

«Ұлыстың ұлы күні – Наурыз» тақырыбында мерекелік концерт өткізілді. 22 наурыз мерекесіне арналған «Ұлыстың ұлы күні – Наурыз» тақырыбында мерекелік концерт ұйымдастырылып өткізілді. Мақсаты: Наурыз мерекесінің қазақ даласындағы орны, Наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттай отырып, ұрпақтардың өз ұлтына деген сүйіспеншілігін арттыру. Ұлыстың ұлы күні – Наурыз мерекесі баршамызға құтты болсын, бақыт әкелсін! Ұлыс оң болсын, ақ мол болсын! 

Мәдениеттің бастауы-тазалықта. Мектебімізде әр бейсенбі-Тазалық күні.Оқушыларымыз мектепішілік тазалық жұмыстарын жүргізеді. Мақсаты: Еңбекке баулу арқылы оқушыларды оқу кабинеттеріне тазалық жүргізіп, өздерінің отыратын орнын таза ұқыпты ұстауға тәрбиелеу. 

20 наурыз- "Ұлттық ойындар күні” Ұлттық ойындар-әр халықтың мәдениетінің тарихының айнасы.Олар ұрпақтан ұрпаққа беріліп, ата-бабамыздың ерліктері мен болмысын танытады.20 наурыз біздің мектепте ерекше күн өтті.Бұл күні “Ұлттық ойындар” күні ретінде аталып өткізілді.Оқушыларымыз еркін күреске белсене қатысып,ұлттық құндылықтарымызды жаңғыртуға үлкен үлес қосты. 

⚜️Білім алушыларға қазақ халқының ұлы мерекесі Наурыз мейрамы жөнінде түсінік бере отырып, халқымыздың салт – дәстүрін бойларына дарыту арқылы, шынайылыққа, адамгершілікке, ұлтжандылыққа тәрбиелеу мақсатында  мектеп-гимназиямызда ашық  тәрбие сағаттары өткізілді. ⚜️Тәрбие сағаты барысында білім алушылар қазақ халқының ұлттық ойындарын, ұлттық тағамдарын, нақыл сөздерін қастерлеу керектігін түсініп, мерекеге байланысты өз өнерлерімен бөлісті. 

"Біртұтас тәрбие" бағдарламасы аясында ұлттық құндылықтарымызды оқушы бойына сіңіру, қыздарды халқымыздың ізгі қасиеттері: имандылық, инабаттылық, ізеттілік, ісмерлік, ұяңдық, кішіпейілділік қасиеттеріне тәрбиелеу, әр қыз баланы парасатты, жан – жақты білімді болуға, әсемдік, сұлулық әлемін түсінуге,  табиғат сыйлаған қасиеттерінің ашылуына көмектесу мақсатында А.Байтұрсынов атындағы №139 мектеп-гимназиясында 9-10 сынып қыздары арасында "Қазақ аруы-2025" байқауы өтті.  

7-сынып оқушыларымен маңызды тақырыпта-алкоголь мен темекінің зияны туралы дөңгелек үстел өтті. Бұл кездесуде оқушылар зиянды әдеттердің ағзаға,денсаулыққа, болашаққа қалай әсер ететінін талқылады.Оқушылар белсенді түрде өз ойларын айтып, пікір алмасты. Мақсаты-салауатты өмір салтын насихаттау және зиянды әдеттерден аулақ болуға шақыру. 

Мектебімізде жоспарға сай 3 сыныптың сынып жетекшілерінің  ұйымдастыруымен "Әжелер мектебі" клубында "Әжелер сөзі- тәрбие көзі" атты әжелермен тәрбиелік іс-шара өткізілді. Іс-шара мақсаты: әжелер мектебі арқылы  қазақтың салт-дәстүрі, әдет-ғұрпы танымдық-тәрбиелік әлеуетін жан-жақты ашып, отбасында тәрбие құралы ретінде қолдана білуге ықпал ету. Кездесу барысында әжелеріміз салт-дәстүр, әдет-ғұрыптың бала тәрбиесіне қаншалықты ықпалы бар, қай кезде қолдануға  болатыны туралы әңгімелеп берді

🌟 Алғыс айту – жүректен… 🌟 2 “Б” сыныбында ерекше бір жылулыққа толы тәрбие сағаты өтті. “Алғыс айту – парызым” тақырыбында оқушылар шынайы ризашылық білдірудің маңызын түсініп, жүректен шыққан алғыстарын жеткізді. Балалардың әрбір сөзі мен жүрекжарды тілектері – рақмет сөзінің қандай үлкен қуатқа ие екенін тағы бір дәлелдеді. Жақсылыққа жақсылықпен жауап беру, жанымызда жүрген жандарға алғыс айту – ең асыл қасиеттердің бірі екенін кішкентай бүлдіршіндер ерекше сезінді. Сынып жетекшісі:

Жас мамандарға арналған маңызды семинар өтті. Бастауыш сынып мұғалімі Балтабекова Айым Танатқызы өткізген бұл семинарда мұғалімдер тиімді кері байланыстың оқушы жетістігіне әсерін талқылап, өзара тәжірибе алмасты. 📖✨ Практикалық тапсырмалар арқылы жаңа әдіс-тәсілдерді меңгеріп, кәсіби даму жолында тағы бір қадам жасады. 📸 Жас мамандарға алдағы уақытта шығармашылық табыс пен сәттілік тілейміз!