"Дублер" күні

Ұстаз - ұлағатты есім, шахтер де, ғалым да, дәрігер де, қандай мамандық иесі болмасын ұстаз алдынан тәлім-тәрбие алары сөзсіз. Ұстаздың мейірімді  жүзі, аялы алақаны жылдар жылжып өтсе де, шәкірт жүрегінде мәңғі сақталады. Әрине, ұстазға деген құрмет бір күндік емес. Ол өмір бойы жалғасын табады. Соның бір дәлелі ретінде Ахмет Байтұрсынов атындағы №139 мектеп-гимназияда мұғалімдер мерекесі қарсаңында өткізілген "Дублер күнін"айтуымызға болады."Болашақ" оқушылардың өзін-өзі басқару ұйымының ұйымдастыруымен өтілген әр сабақ ерекшелігімен есте қалды. Оқушылар бір сәт өздерін ұстаз ретінде сезініп, бұл мамандықтың қиындығы мен қызығының қатар жүретіні жайлы ойларымен бөлісті." Мен ұстаздық мамандықты таңдаймын" деген ішкі ойлары оқушылардың күлімдеген жанарынан айқын байқалып тұрғандай болды.