Қош бол, алтын ұя мектебім

Ахмет Байтұрсынов атындағы №139 мектеп-гимназиясында 2022-2023 оқу жылының 11сыныптарға арналған соңғы қоңырау салтанатты жиыны өтті. Жас түлектерге арналған бұл жиын көтеріңкі көңіл күйде, оқушылардың өнерлерін тамашалаумен басталып, түлектердің арнауымен жалғасын тапты. Ұстаздар құттықтау сөзін арнады. Жүздеріне күлкі ұялағанымен, жүректерінде қимастық сезімі бар, балғын балалық шақпен қоштасар алдында тұрған Жас түлектерді мектеп-гимназияны бітірулерімен, үлкен өмірге қадам басуларымен шын жүректен құттықтаймыз! Ақ жол, сәт сапар тілейміз. Биіктерден көріне берулеріңізге тілектеспіз, Жас түлектер!