Республикалық деңгейде топ жарып, білім бәйгесінде биік белесті бағындыру – үлкен жетістік!

Жалпы білім беретін пәндер олимпиадасының республикалық кезеңінде қазақ тілі мен әдебиеті пәні бойынша мектебіміздің 7-сынып оқушысы Адилхан Айлин жүлделі ІІІ орын иеленді. Бұл – талмай ізденудің, білімге деген құштарлықтың және жүйелі дайындықтың жемісі.

Оқушымыздың жетістікке жетуіне бағыт-бағдар беріп, шығармашылық қабілетін шыңдаған пән мұғалімі Қырғызбай Ақзат де зор құрметке лайық.

Республикалық олимпиадада ауданымыз бен мектебіміздің мерейін асқақтатқан Айлин мен жетекшісі Ақзат ұстазды шын жүректен құттықтаймыз! Алар асуларыңыз биік, бағындырар белестеріңіз көп болсын! Білім мен еңбектің арқасында жеткен бұл жеңіс – барша ұстаздар мен оқушыларға үлкен мотивация әрі мақтаныш!