А.Байтұрсынов атындағы №139 мектеп-гимназияда 06.10-16.10.2025ж аралығында эстетикалық пәндер онкүндігі өткізіледі. Осыған орай 06.10. күні "Шабыт үштігі - ән, қимыл, еңбек" эстетикалық пәндер, дене шынықтыру және АӘТД мұғалімдерінің әдістемелік бірлестігінің онкүндігінің ашылуы болып өтті.  

А.Байтұрсынов атындағы №139 мектеп-гимназиясында 3 - қазан күні дублер күні өткізілді. Бұл күнгі басты мақсат —мұғалімнің орнына оқушы  (яғни, дублёр) оның күнделікті міндеттерін орындап көрді. Олар ұстаздардың бір күндік жұмысын бақылап, болашақ мамандығын таңдау кезінде дұрыс шешім қабылдай алады.      

25.09.2025ж. күні А.Байтұрсынов атындағы №139 мектеп-гимназияда 10 сыныптар арасында футболдан жарыс ұйымдастырылды. Жарыстың нәтижесінде 10"В" сыныбы І - орын, 10 "А" сыныбы ІІ - орын, 10 "Ә" сыныбы ІІІ - орын иеленді.  

"Біртұтас тәрбие" бағдарламасын іске асыру мақсатында Ахмет Байтұрсынұлының туған күніне және Қазақстан Халықтары тілдер мерекесіне арналған "Ұлт руханиятының көсемі" атты онкүндік барысында 5-7 сыныптар арасында "Қарағым,оқуға бар, жатпа қарап" атты Ахмет оқулары өтті.  

"Біртұтас тәрбие" бағдарламасы аясында ұйымдастырылған 9-11сынып оқушыларына арналған “Жігіт сұлтаны-2024” аудандық байқауына 10 “В”сынып оқушысы Самиғолла Мади Нұрланұлы мектеп-гимназия намысын қорғап,  2 орын иеленді.  Жетекшісі Т.Рахымжанова. Жеңісің құтты болсын!    

5-7 желтоқсан күндері 5-7сынып қыздарына “Қыз баланың жеке бас гигиенасы” тақырыбында, 8-11 сынып қыздарына “Ерте жүктіліктің алдын-алу” тақырыптарында жиналыс өткізілді. Мектеп-гимназиямыздың ардагер ұстазы Г.Болатбаева, ДТІЖО Т.Ержанқызы мен №4 емхананың “Жас ұрпақ” орталығының гинеколог маманы А.Габдуллаевна келіп дәріс оқыды.   

“4 тоқсанға төрт іс-шара”жобасы аясында айтыс өнерін насихаттау мақсатында “Жаңа күн-Жаңа Қазақстан” тақырыбында 10 сынып оқушылары арасында қыз бен жігіт айтысы өтті. #1Тоқсан #АҚЫНДАРАЙТЫСЫ  

2023 жылдың 16 қыркүйегінде біздің талантты түлектер шетелде білім алу мүмкіндіктерін зерттеу үшін ғажайып көрмеге аттанды. Олар түрік университеттерінің алуан түрлілігіне және олардың ұсынып отырған барлық артықшылыктарына тәнті болды. Көрмеде оқушылар түрлі институттардың өкілдерімен танысып, кәсіби бағдарламалық салалар туралы оқып, халықаралық  студенттерге арналған гранттар мен стипендиялар туралы білді. 

10 қыркүйек Отбасы күніне орай А.Байтұрсынов атындағы №139 мектеп-гимназиясында 1-11 сынып оқушыларына отбасылық құндылықтарды дәріптеу, өз жанұясы туралы әңгімелеуге үйрету, ұйымшылдыққа, жауапкершілікке, өз ойын жеткізе білуге тәрбиелеу мақсатында "Отбасым және мен" тақырыбында сынып сағаттары өтті. «Жүректен — жүрекке» шеңбері, ой қозғау, «Ашық микрофон», топтық жұмыс, «Конверттегі сұрақтар», пікір алмасу сияқты түрлі әдістер қолданылып, оқушылар өз отбасы жайлы мақтанышпен айтып берді.  

  05.09.2023ж. қыркүйек күні қазақтың ақыны,әдебиет зерттеуші ғалым,түркітанушы,публицист,педагог,аудармашы,қоғам қайраткері-Ахмет Байтұрсынұлының туған күні және Қазақстан халқы тілдер күніне орай «Тіл – адамның адамдық белгісінің зоры, жұмсайтын қаруының бірі»тақырыбында мерекелік іс-шара өтті.