Биылғы оқу жылында "Табысты мектеп" педагогтердің командалық жұмысын және көшбасшылық қабілетін арттыратын курс өтті. Қала бойынша іріктелген 50 мектептен 250 педагог 7 апта бойы курстан өтіп, бір-бірімен тәжірибе алмасты. Соның ішінде біздің  мектеп-гимназия да қатысып, мектептің 3 жылдық даму бағдарламасы бойынша жоба қорғады. Нәтижесінде, мектебіміз Сингапур еліне 1 апталық тағылымдамадан өтуге барып келді.  

 

 Мектеп-гимназияның жас мамандарына әдістемелік көмек көрсету мақсатында   Қазақ тілі мен әдебиеті пәнінің тәжірибелі мұғалімдері Жумагалиева Г. мен Абильдаева Э. өздерінің іс-тәжірибелерімен бөлісіп, рухани тәрбие мен білімділікке бағыттайтын тапсырмаларды құрастыру жолдарын көрсетті. Жас мамандар практикалық тұрғыдан функционалдық сауаттылықты дамытатын тапсырма жасап, өз қоржындарын тағы да бір тәжірибемен толықтырды.

Қалалық ғылыми жобаға математика пәнінен 10 "В" сынып оқушылары Қадыр Айжан, Қуатқан Даниель. Қазақ әдебиеті пәнінен 8 "Ә" сыныр оқушысы Серікжанқызы Жаннұр қатысып, 2-орын дипломымен марапатталып, ақшалай сыйлықтарды иеленді. Құттықтаймыз!  

 

"Оқуға құштар мектеп" жобасы аясында 5-сынып оқушылары арасында Марат Қабанбайдың "Сурет салғым келмейді"әңгімесінің желісінде жас оқырмандар конференциясы өтті. Конференция нәтижесінде: " Ең үздік оқырман сынып" номинациясымен 5 "Б" сыныбы; "Ең белсенді сынып" номинациясымен 5 "А" сыныбы; "Ең кітапқұмар сынып" номинациясымен 5 "Ә" сынып оқушылары марапатталды. Ерекше дарындылығымен, тапқырлығымен, білімділігімен көзге түскен 5 "Б" сынып оқушысы Мұратқазы Айша "Ең жан-жақты оқырман"

"Жетістігімді еліме арнаймын" атты челленджде "Атамекен" әні (сөзі:Қ.Мырзағалиев,әні:Е.Хасанғалиев). Орындаған: вокал үйірмесінің жетекшісі Нұрсұлтан Болатұлы және мектеп-гимназиямыздың өнерлі оқушылары.  

Мектебімізде қанымен қара тасқа қашалып, ғасырлар бойғы арман-тілекті бойына сіңіріп, сағым жылдардың елесін арқалап, асыға жеткен тәуелсіздігімізге арналған желтоқсан ардагерлерімен кездесу. Желтоқсанның ызғарлы сәттерін оқушыларымыз ардагерлерімізге бас иді.Тәуелсіздік деген тектілікті ұрандатқан батырларымыз: PhD философия докторы Орындаева Ұлсерік Қадырбайқызы және мектебіміздің ағылшын пәні мұғалімі Оразова Ғалия. Ардагерлерімізге мың алғыс.  

 13 желтоқсан күні мектебімізде "Желтоқсан шежіресі-елімнің мәртебесі" атты іс-шарамыз ұйымдастырылды.Мақсаты: Отанды құрметтеу,тәуелсіздікті бағалау білуге,елжанды болуға, еліміздің тәуелсіздігі жолында күрескен ерлердің қаһармандығын есте ұстауға баулу.