1 маусым - Халықаралық балаларды қорғау күніне орай ұйымдастырылған “Алматы БалаFest” қалалық байқауының вокал номинациясы бойынша 11”А” сынып оқушысы Сәбит Назерке 3 орын иеленді. Жетекшісі вокал үйірме жетекшісі Н. Машербаев. “Кітап білім бұлағы” бағытының поэтикалық батл номинациясы бойынша Сыдыкова Аяулым ІІІ дәрежелі дипломмен марапатталынды. Жетекшісі қазақ тілі мен әдебиет пәнінің мұғалімі Т.Рахымжанова. Жеңістеріңіз құтты болсын!  

 

   Мектебіміздің драма және мәнерлеп оқу үйірмесінің "GIBRAT" театры О.Әубәкіров "Чемпион" комедиялық қойылымын қойды.Қойылым соңынан дәстүрлі "GIBRAT-2023" салтанатты марапаттауы өтті. Дарынды оқушыларды танымал театр және кино актері,"Сержан братан" телесериялының басты кейіпкері Дулыға Ақмолда келіп, мараппаттады. Оқушыларға жылы лебізін, жүрек жарды тілектерін арнап, батасын берді.    

Жалпы білім беретін пәндер бойынша республикалық ғылыми жобалар конкурсына техника секциясы бойынша 11-сынып оқушылары ШАЙХ АСХАТ пен СЕРІК БАТЫРХАН қатысып, ІІІ дәрежелі диплом иегері атанды.   

Мектеп-гимназиямыздың мақтанышы 4”д” сынып оқушысы Есен Нұрлыбек “Каникулы-off-line 3” киносына түсіп, өзінің актерлік шеберлігін шыңдау үстінде. Қазіргі таңда бұл кино барлық кинотеатрлардан көрсетілуде. Актер ретіндегі алғашқы туындың үлкен экранға жол тартыпты. Сәттілік тілейміз, әрдайым жолың ашық болсын! Бұл сенің тек бастамаң деп білеміз! Өнерің өрге жүзсін! Жарайсың!  

 

Алматы қаласы Білім басқармасының "Алматы дарыны"  дарынды балалар мен талантты жастарды анықтау және қолдау жөніндегі орталығының ұйымдастыруымен өткізілген Республикалық "ҮЗДІК ЖЫЛ ПСИХОЛОГЫ" конкурсының қалалық кезеңіне мектеп-гимназия психологы Қуанышбай Айжан Ғаниқызы қатысып, ІІІ Дәрежелі дипломмен марапатталды.     

Алматы қаласы Білім басқармасының "Алматы дарыны"  дарынды балалар мен талантты жастарды анықтау және  қолдау жөніндегі орталығының ұйымдастыруымен өткен Республикалық "Педагогикалық идеялар" фестивалінің қалалық кезеңіне мектеп-гимназия психологы Қуанышбай Айжан Ғаниқызы қатысып, жүлделі ІІ дәрежелі дипломмен марапатталды.    

Республикалық Мұқағали оқуларының аудандық кезеңі А.Байтұрсынов атындағы №139 мектеп-гимназияда өз деңгейінде өткізілді. Байқауға мектеп-гимназиямыздан 3 оқушы қатысып, 9 сынып оқушысы Алимуратова Еркежан «Айтып өткен ақында арман бар ма?» номинациясы бойынша 2-орын, "Жыр эстафетасы" номинациясы бойынша Нұржан Аружан 2-орын, «Көкірегімде жыр сәулесі маздайды...» номинациясы бойынша Сыдықова Аяулым 1-орын алып, Сыдықова Аяулым қалаға жолдама алды.