Наурыз мейрамы құтты болсын!  Баршаңызды Ұлыстың Ұлы күні – Наурыз мерекесімен шын жүректен құттықтаймыз! Наурыз – іргесі сөгілмес бірліктің берекесі, ырысы төгілмес тірліктің мерекесі.  Жақсылықтың жаршысы, жаңа жылдың бастауы – Наурыз мейрамы туған жер топырағына құт - береке әкелсін!  Еліміз тыныш, туған жеріміз аман болып, әрбір жаңа күн әр отбасына шат көңіл, бақыт және береке сыйласын! Ұлыс оң болсын, ақ мол болсын! Ұлыстың ұлы күні Наурыз мейрамы мектеп-гимназиямызда да атап өтілді.

 

8 Наурыз- Халықаралық әйелдер күні қарсаңында А.Байтұрсынов атындағы №139 мектеп-гимназияда 8-9 сынып арулары арасында “Көктем аруы-2023” мектепішілік байқауы өтті. Байқаудың негізгі мақсаты: қыз балалардың жан дүниесіндегі көркемдік талғамын қалыптастыру, аруларымызды инабаттылыққа, әдептілікке, ізеттілікке, нәзіктікке, адамгершілікке, қазақтың салт-дәстүрлерін ұмытпай құрметтеуге баулу. Аруларымыз жоғары деңгейде дайындық көрсетіп, Бас жүлдені 9"В" сынып оқушысы Сыдыкова Аяулым жеңіп алды.   

Республикалық Мұқағали оқуларының аудандық кезеңі А.Байтұрсынов атындағы №139 мектеп-гимназияда өз деңгейінде өткізілді. Байқауға мектеп-гимназиямыздан 3 оқушы қатысып, 9 сынып оқушысы Алимуратова Еркежан «Айтып өткен ақында арман бар ма?» номинациясы бойынша 2-орын, "Жыр эстафетасы" номинациясы бойынша Нұржан Аружан 2-орын, «Көкірегімде жыр сәулесі маздайды...» номинациясы бойынша Сыдықова Аяулым 1-орын алып, Сыдықова Аяулым қалаға жолдама алды.  

 

Мұқағали Мақатаевтың 92 жылдық мерейтойына орай "Есіме мені алғайсың" тақырыбында поэзиялық кеш өткізілді. Поэзия сүйер оқушылар ақиық ақын М.Мақатаевтың өлеңдерін жатқа оқып, әндерін шырқады.  

Қазақ тілі мен әдебиеті пәнінің мұғалімдері, Рахымжанова Т., Синасап Н., Жумагалиева Г., ұйымдастыруымен 5 сынып оқушыларының арасында "Ертегілер әлемінде..." тақырыбында сахналық қойылымдар жарысы өтті. Балаларға ертегіні көңілді қабылдауға үйрету, сахналап беруге талпындыру, кейіпкердің мінез - құлқын сезіндіру, есте сақтау қабілеттерін, ойлау, есте сақтау, еске түсіру қабілеттерін қалыптастыру, ауызекі сөйлеу тілін дамыту, адам бойына жат қасиет тілазарлықтан аулақ болып, кешірімді болуға

"Қазақстан Тәуелсіздігі- мәңгілік елдің тілі мен тарихы" тақырыбында қоғамдық-гуманитарлық пәндері кафедрасының онкүндігінің салтанатты ашылуы өтті. Мақсаты: Онкүндік барысында оқушылардың шығармашылық қасиетін дамыту, туған тарихын, тілін сүюге, салт-дәстүрді сақтауға тәрбиелеу.  

5 сынып отбасылары арасында "Отбасылық таланттар" атты  шығармашылық фестивалі өтті. Фестивальдің негізгі мақсаты – отбасындағы рухани, мәдени құндылықтарды сақтау, жас ұрпақ тәрбиесін қалыптастыру мен отбасы институтын нығайту. Тәлімді отбасыларды тағылым төріне сүйреп, жанұя мүшелеріне түгел қуаныш сыйлаған мерекелік шара аясында викториналық сұрақтар, түрлі байқаулар мен отбасылардың өнерлері ортаға салынды. Фестивальге 5 сынып отбасылары белсене қатысты.  

Ғылыми-жаратылыстану пәндерінің онкүндігіне орай 10-11 сынып оқушыларымен "Ғалым болам десеңіз..." атты тақырыпта жас ғалымдармен кездесу өтті. Кездесудің мақсаты: оқушыларды физика, химия және биология ғылымдары саласындағы ғалымдарымен таныстыру, оқушыларды ғылыми-зерттеу қызметіне қызығушылықтарын арттыру. Кездесуіміздің қонақтары: Нурбакова Гулия Серикмухаметовна – физика-математика ғылымдарының кандидаты, әл-Фараби атындағы ҚазҰУ прфессор м.а. "Физика" бойынша халықаралық олимпиадаларға